6 декабрь, Шишәмбе

14 февраль 2012 йыл, 11:20

Өфөлә Ф.И.Шаляпин исемендәге «Дебют» асыҡ ҡала йәш вокалсылар конкурсына әҙерлек башланды

автор: Розалия Вәлиева

Өфөлә Ф.И.Шаляпин исемендәге 9-сы асыҡ ҡала йәш вокалсылар конкурсына әҙерлек башланды. Бәйге Төбәк-ара Шаляпин үҙәгенең Өфөләге бүлексәһе менән берлектә ҡала хакимиәтенең Мәҙәниәт һәм сәнғәт буйынса идаралығы менән үткәрелә. Быйыл ул 26-28 апрелдә үтәсәк. Гала-концерт 28 апрелдә З.Исмәғилев исемендәге Өфө дәүләт сәнғәт академияһының Ф.И.Шаляпин исемендәге концерт залында ойоштороласаҡ.

Бынан тыш, Башҡорт дәүләт опера һәм балет театрынан хәбәр итеүҙәренсә, быйыл «Өфөлә Шаляпин кисәләре» халыҡ-ара опера сәнғәте фестивален үткәреү планлаштырыла. Быйыл билдәле опера йырсыһының тыуыуына 139 йыл тулды.