8 декабрь, Кесе йома

10 февраль 2012 йыл, 10:23

Баш ҡалала йәш эшҡыуарҙар өсөн оҫталыҡ дәрестәре үтәсәк

автор: Эльмира Сабирова

Йәш эшҡыуарҙар өсөн бушлай тренинг йома, 10 февралдә, Башҡортостан Республикаһы Йәштәр сәйәсәте һәм спорт министрлығының конференц-залында үтәсәк.

Ведомствонан асыҡлауҙарынса, ҡатнашыуға рәсми теркәлгән бизнесы булған 30 йәшкә тиклемге эшҡыуарҙар саҡырыла. Программала «Эшҡыуарҙың шәхси һөҙөмтәлелеге», «Маркетинг – эшҡыуарҙың йәшерен ҡоралы», «Эшҡыуар өсөн файҙалы IT-инструменттар» кеүек лекциялар ҡаралған.

Өҫтәп китәйек, сара йәштәрҙе эшҡыуарлыҡҡа йәлеп итеү маҡсатында Өфөләге йәш эшҡыуарҙарҙың «Быуын көсө» («Сила поколения») берләшмәһе ҡатнашлығында төбәктең Йәштәр сәйәсәте һәм спорт министрлығы тарафынан үткәрелә.