9 декабрь, Йома

09 февраль 2012 йыл, 9:56

Республикала «Байыҡ-2012» башҡорт бейеүен башҡарыусылар конкурсы старт алды

автор: Розалия Вәлиева

Мәсетле районы Оло Ыҡтамаҡ ауылында «Байыҡ-2012» республика конкурсының беренсе һайлап алыу туры үтте.

Бәйгенең финалында сығыш яһау хоҡуғы өсөн Балаҡатай, Дыуан, Ҡыйғы, Мәсетле һәм Салауат райондары, шулай уҡ Силәбе өлкәһе бейеүселәре көс һынашты.

— Беренсе турҙы үткәреү өсөн Мәсетле районы осраҡлы ғына һайланманы, — тип билдәләне конкурс рәйесе Рита Өмөтбаева. – Бында билдәле бейеүсе, Башҡортостандың халыҡ артисы Радмир Бәҙретдинов һәм БАССР-ҙың атҡаҙанған сәнғәт эшмәкәре Зилара Әйүпова тыуып үҫкән. Һәм бөгөн бейеү сәнғәте традициялары юғары кимәлдә һаҡланып килә.

Бейеү конкурсының киләһе һайлап алыу туры 10 февралдә Сибайҙа үтәсәк.