3 декабрь, Шәмбе

08 февраль 2012 йыл, 14:05

Өфөлә Башҡорт дәүләт педагогия университеты көндәре үтә

автор: Эльмира Сабирова

Өфөнөң Киров районында М.Аҡмулла исемендәге Башҡорт дәүләт педагогия университеты көндәре үтә. Сара сиктәрендә университет вәкилдәре уҡытыусылар, уҡыусылар һәм уларҙың ата-әсәләре менән осраша. Социаль әһәмиәтле квалификациялы методик һәм дидактик эште педагогия университеты уҡытыусылары – фән кандидаттары һәм докторҙары алып бара.

Вуздың матбуғат үҙәгенән хәбәр итеүҙәренсә, был – социаль акция, сөнки уҡытыусылар һәм уҡыусылар өсөн дәрестәр, берҙәм дәүләт имтиханына һәм дәүләт (йомғаҡлау) аттестацияһына әҙерлек, юғары уҡыу йортона уҡырға инеү мәсьәләләре буйынса квалификациялы консультациялар бушлай үткәрелә.

темалар: мәғариф,вуздар