Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.14 ↓

EUR 69.43 ↑

22 август, Шишәмбе

Уфа   °

Пенсия фонды Башҡортостандың социаль программаларында ҡатнаша

Иҡтисад

Башҡортостан халҡына социаль ярҙам программаһын өҫтәп финанслауға 2011 йылда Рәсәй Пенсия фонды бюджетынан 18,9 млн һумға субсидиялар бүленгән. Өҫтәп финанслау шарттарында республика бюджетынан да ошондай уҡ сумма бүленде, тип хәбәр иттеләр Пенсия фондының төбәк бүлексәһе матбуғат хеҙмәтенән.

Иглин районының Урман ҡасабаһынан 295 пенсионер ғәҙәттән тыш хәл арҡаһында күргән зыянды өлөшләтә ҡаплауға адреслы социаль ярҙам алған; республикалағы 301 пенсионерҙың йорттарына газ үткәреүгә бәйле сығымдары өлөшләтә ҡапланған.  

Психоневрологик интернаттарҙағы мунса-кер йыуыу бүлексәләрендә, туҡланыу блоктарында капиталь ремонт үткәрелгән, кер йыуыу һәм кухня-аш бешереү ҡорамалдары, мебель һатып алынған.

— Был саралар 1826 кешенең йәшәү шарттарын яҡшыртырға мөмкинлек биргән, — тип билдәләне Рәсәй Пенсия фонды Идараһы ағзаһы, Рәсәй Пенсия фондының Башҡортостан буйынса бүлексәһе идарасыһы Фоат Хантимеров.

— Кәрәкле социаль-көнкүреш, медицина, хоҡуҡи һәм башҡа төрлө хеҙмәттәр күрһәтеү маҡсатында республика район һәм ҡалаларындағы 17 халыҡты социаль хеҙмәтләндереү комплекслы үҙәге өсөн 17 «ГАЗель» микроавтобусы һатып алынды, — тип өҫтәне республикалағы Пенсия фондының башлығы.    

Яндекс цитирования
Рейтинг ресурсов "УралWeb"
закрыть