9 декабрь, Йома

31 ғинуар 2012 йыл, 14:58

«Өфө – Стәрлетамаҡ - Күмертау» ҡала яны поезы йома көндө йөрөмәйәсәк

автор: Любовь Колоколова

10 февралдән башлап 7225/7224/7226-сы «Өфө — Стәрлетамаҡ — Күмертау» ҡала яны поезы йома көндө йөрөмәйәсәк. Әлеге ҡала яны поездары, шулай уҡ 7221/7223/7222-се «Күмертау – Стәрлетамаҡ — Өфө» электропоездары хәҙер һәр шәмбе һәм йәкшәмбе һайын йөрөйәсәк.

— Бындай ҡарар пассажирҙарҙың йөрөүенә күҙәтеү үткәреү нигеҙендә ҡабул ителде. Күҙәтеү һөҙөмтәләре буйынса, йома көнө был поезд менән йөрөүселәр һаны аҙ, — тип аныҡлыҡ индерҙе «Башҡортостан ҡала яны пассажирҙар компанияһы» асыҡ акционерҙар йәмғиәтенең йәмәғәтселек менән бәйләнеш буйынса белгесе Сулпан Биккузина.