3 декабрь, Шәмбе

31 ғинуар 2012 йыл, 14:06

2011 йылда Башҡортостандың Халыҡ мәшғүллеге хеҙмәте ярҙамында 88000 кеше эш тапҡан

автор: Галина Бахшиева

Башҡортостанда йәшәүсе 88 меңдән ашыу кеше 2011 йылда республиканың Халыҡ мәшғүллеге хеҙмәте ярҙамында эшкә урынлаша алған. 2010 йылда бындай ярҙам менән 99 меңдән ашыу кеше эш тапҡан ине.

Төбәктең Халыҡ мәшғүллеге дәүләт хеҙмәте идаралығынан хәбәр итеүҙәренсә, үткән йылда республикала эшкә урынлашыу кимәле эш эҙләүселәрҙең дөйөм һанынан 67,8 процент тәшкил иткән. 2010 йылда был күрһәткес 66,7 процентҡа тиң ине.

2011 йылда республиканың Халыҡ мәшғүллеге хеҙмәте ярҙамында эшкә урынлашыусыларҙың 49 проценты – тәүгә эш эҙләүсе кешеләр, 33 проценты – бығаса ниндәйҙер һөнәр буйынса эшләүсе граждандар.