4 декабрь, Йәкшәмбе

30 ғинуар 2012 йыл, 11:35

Мәләүез районында «Мәләүез илһөйәрҙәре» конкурсы үтә

автор: Марина Шумилова

Ватанды һаҡлаусылар көнө алдынан Мәләүез районында мәктәп уҡыусылары һәм урта махсус уҡыу йорттарында белем алыусы йәштәр араһында «Мәләүез илһөйәрҙәре» ижади эштәр конкурсы үткәрелә. Сараны район хакимиәте, мәғариф бүлеге һәм ветерандар ойошмаларының Координация советы ойоштора.

Конкурс рухи һәм әхлаҡи ҡиммәттәрҙе пропагандалау, тыуған илгә һөйөү тәрбиәләү, уҡыусыларҙың ижади потенциалын асыҡлау маҡсатында үткәрелә. Еңеүселәр киләһе номинацияларҙа билдәләнәсәк: һүрәт, архив фотоһы, ҡул эштәре, шиғыр, проза әҫәре. Иң яҡшы материалдар район гәзитендә баҫтырыласаҡ.

темалар: конкурстар