4 декабрь, Йәкшәмбе

27 ғинуар 2012 йыл, 13:47

Март һайлауҙарында Өфөлә һәм Стәрлетамаҡта тауыш биреү өсөн үтә күренмәле урналар ҡулланыласаҡ

автор: Марина Шумилова

РФ Үҙәк һайлау комиссияһы ҡарары буйынса илдең һайлау участкаларында тауыш биреү өсөн үтә күренмәле урналар ҡулланыласаҡ. Улар үтә күренмәле еңел материалдан эшләнәсәк. Бығаса эшләнгән ярым үтә күренмәле йәшниктәр һайлау бюллетендәрен эшкәртеү комплекстары менән файҙаланыласаҡ.

РФ Президентын һайлау алдынан ҡайһы бер участкаларҙа йәшниктәр алмаштырыласаҡ. РФ Үҙәк һайлау комиссияһы ҡарарына ярашлы, Башҡортостанда улар 530 участкала урынлаштырыласаҡ. «Башинформ» агентлығына республиканың Үҙәк һайлау комиссияһы секретары Марина Долматова хәбәр итеүенсә, 4 мартта үтәсәк һайлауҙарҙа тауыш биреү өсөн үтә күренмәле урналар төбәктең ике иң ҙур ҡалаһы — Өфөлә һәм Стәрлетамаҡта урынлаштырыласаҡ.

темалар: һайлауҙар