7 декабрь, Шаршамбы

26 ғинуар 2012 йыл, 16:35

Башҡортостандың Дәүләт Йыйылышы депутаттары Йәштәр палатаһы эшмәкәрлеге регламентын камиллаштыра

автор: Людмила Терновая

Башҡортостан парламентарийҙары бөгөн үҙҙәренең пленар ултырышында «Башҡортостан Республикаһының Дәүләт Йыйылышы – Ҡоролтай ҡарамағындағы Йәштәр йәмәғәт палатаһы тураһындағы Положениеға үҙгәреш индереү хаҡында»ғы ҡарарын ҡабул итте. Ул төбәктәге Дәүләт Йыйылышының Мәғариф, фән, мәҙәниәт, спорт һәм йәштәр эштәре буйынса комитеты менән тәҡдим ителде.

— Республиканың Дәүләт Йыйылышы ҡарамағындағы Йәштәр палатаһы эшмәкәрлеге процесында килеп тыуған һорауҙар Палата тураһындағы Положениеның айырым пункттарын камиллаштырырға мәжбүр итте, — тип хәбәр итте «Башинформ» агентлығына Йәштәр йәмәғәт палатаһы рәйесе Николай Самойленко. – Йәштәр палатаһы регламентына үҙгәрештәр индерелде, уларға ярашлы Палата ағзалары Йәштәр палатаһы комиссиялары ултырыштарында мотлаҡ ҡатнашырға тейеш. Әгәр кеше кисерерлек сәбәптәрһеҙ ике тапҡыр бындай ултырышҡа килмәһә, уның Палата составынан сығарылыуы ла ихтимал.

Шулай уҡ Положениеның айырым пункттарына йәш буйынса сикләүгә бәйле үҙгәрештәр индерелде. Николай Самойленко һүҙҙәре буйынса, был төҙәтеүҙәр Палата составын квалификациялы кадрҙар менән тәьмин итеү өсөн кәрәк булды.