7 декабрь, Шаршамбы

25 ғинуар 2012 йыл, 14:24

Башҡорт дәүләт университетында гид-юл күрһәтеүселәр курсына студенттар ҡабул ителә башланы

автор: Эльмира Сабирова

Студенттарҙың тәрбиә һәм өҫтәмә белем биреү үҙәге Башҡорт дәүләт университетының туристик клубы менән берлектә гид-юл күрһәтеүселәр(эске әүҙем туризм буйынса белгес-инструкторҙар) әҙерләүгә студенттар ҡабул итә башланы.

Юғары уҡыу йортоноң матбуғат үҙәгендә аңлатыуҙарынса, йәйге осорҙа төбәктең туристик фирмаларына эшкә урынлаштырыу өсөн студенттар һәм туристарҙы профессиональ яҡтан әҙерләү курстар үткәреүҙең төп маҡсаты булып тора. Шулай уҡ теләге булғандарҙы тау, һыу туризмы буйынса категориялы маршруттарға әҙерләйәсәктәр.  

Медицина ярҙамын тәьмин итеү («Профсервис» махсуслашҡан үҙәге базаһында); һыу, һыбайлы, йәйәүлеләр туризмы буйынса практик дәрестәр кеүк йүнәлештәр буйынса әҙерлек алып барыласаҡ.

Тулыраҡ мәғлүмәтте 8-962-540-51-84 телефоны йәки irekle@mail.ru электрон почтаһы аша алырға мөмкин.  

темалар: туризм,вуздар