3 декабрь, Шәмбе

23 ғинуар 2012 йыл, 12:16

Башҡортостанда ҡаты һыуыҡтар көтөлмәй

автор: Рәсүл Хәмиҙуллин

Волга буйы федераль округындағы ҡайһы бер төбәктәрҙә аномаль һыуыҡ һауа торошо урынлашты. Мәҫәлән, Ырымбур өлкәһендә тәүлегенә уртаса температура норманан 7-12 градусҡа түбән. Һарытау һәм Һамар өлкәләрендә — 7 һәм унан күберәккә түбән.

Башҡортостанда температураға бәйле аномалиялар күҙәтелмәй. Синоптиктар билдәләүенсә, төбәктә яҡын арала киҫкен һыуытыуы көтөлмәй. Рәсәй Гидрометеорология үҙәге мәғлүмәттәренә ярашлы, был аҙнала төнөн республикала – минус 20- 25 градус, көндөҙ минус 11-13 градус буласаҡ. Башҡортостанда көндәрҙең аҙна дауамында аяҙлы-болотло, яуым-төшөмһөҙ булыуы көтөлә.

темалар: һауа торошо