11 декабрь, Йәкшәмбе

19 ғинуар 2012 йыл, 17:50

Өфө моторҙар эшләү берекмәһе завод хеҙмәткәрҙәре өсөн традицион ҡышҡы уйындар үткәрә

автор: Любовь Колоколова

Шәмбе, 21 ғинуарҙа, «Өфө моторҙар эшләү производство берекмәһе» асыҡ акционерҙар йәмғиәте хеҙмәткәрҙәре Н.Гастелло исемендәге паркта ҡышҡы мәҙәни-спорт байрамына йыйыласаҡ. Эшселәр ҡышҡы спартакиада иҫәбенә традицион саңғы ярыштарында ҡатнашасаҡ, һәр төрлө конкурстарҙа һәм халыҡ уйындарында күңел аса аласаҡ.

Сара спортты һәм сәләмәт йәшәү рәүешен пропагандалау маҡсатында йыл һайын үткәрелә һәм мотор эшләүселәр араһында киң популярлыҡ алған.

«ӨМЭПБ» асыҡ акционерҙар йәмғиәтенең йәмәғәтселек менән бәйләнештәр буйынса идаралығынан хәбәр итеүҙәренсә, ҡунаҡтарҙы «Моторҙар эшләүселәр» мәҙәниәт һарайы артистарының сығыштары, уйындар, балалар өсөн «күңелле старттар» көтә. Һәр ваҡыттағыса, ярышта еңеүселәргә бүләктәр тапшырыласаҡ.