7 декабрь, Шаршамбы

19 ғинуар 2012 йыл, 14:31

Төбәктә «Ҡар бөртөгө-2012» туристик-спорт фестивале үтәсәк

автор: Любовь Колоколова

Йәкшәмбе, 5 февралдә, республикала «Ҡар бөртөгө-2012» туристик-спорт фестивале үтәсәк. Сара Куйбышев тимер юлының 1753 километр туҡталышы янында элекке Голодный хуторы яланында үткәреләсәк.

Башҡортостанда ситтән килеү туризмын үҫтереү, әүҙем тормошто пропагандалау, «Ҡар бөртөгө» ҡала-тирә поезында халыҡтың ҡышҡы сәйәхәткә сығыу йолаһын тергеҙеү фестивалдең төп маҡсаттары булып тора.  Сарала теләгән һәр кем ҡатнаша ала.

«Башинформ» агентлығына фестивалде ойоштороусыларҙың береһе – Башҡортостан ҡала яны пассажирҙар компанияһы хәбәр итеүенсә, байрам программаһына сараны асыу тантанаһы, күңелле конкурстар, саңғыла йөрөү һәм ярышыу, шулай уҡ башҡа төрлө уйындар инә.

Өфө тимер юлы станцияһынан «Ҡар бөртөгө» электричкаһы иртәнге сәғәт 8-ҙә ҡуҙғалып, 18.56 сәғәттә кире әйләнеп ҡайтасаҡ. Юлда булыу ваҡыты – 2,5 сәғәт.