4 декабрь, Йәкшәмбе

19 ғинуар 2012 йыл, 10:30

Башҡортостандың Сауҙа-сәнәғәт палатаһы коррупцион ҡаршылыҡтар тураһында һорау алыу үткәрә

автор: Любовь Колоколова

Рәсәй Федерацияһының Генераль прокуратураһы Академияһы илдә коррупцион енәйәтте өйрәнә. Ошоға бәйле  Башҡортостан Республикаһы Сауҙа-сәнәғәт палатаһының рәсми сайтында «Коррупцион ҡаршылыҡтар» тип аталған һорау алыу урынлаштырылды, унда эшҡыуарҙар бер нисә һорауға яуап бирергә тейеш.

Башҡортостан Республикаһы Сауҙа-сәнәғәт палатаһының матбуғат хеҙмәтенән хәбәр итеүҙәренсә, яуаптар илдә эшҡыуарлыҡтың цивилизациялы үҫешенә бәйле проблемаларға йоғонто яһай аласаҡ.

Анкета аноним рәүештә тултырыла. Ниндәй ҙә булһа шәхси мәғлүмәттәрҙе күрһәтергә кәрәкмәй. Һорау алыу һөҙөмтәләре дөйөмләштерелеп ҡулланыласаҡ.