4 декабрь, Йәкшәмбе

18 ғинуар 2012 йыл, 9:26

Бөрөлә «Керәшен һыуыҡтары» башлана

автор: Әлфиә Әһлиуллина

«Керәшен һыуыҡтары-2012» эстрада йыры һәм бейеү фестиваль-конкурсы Бөрөлә 18-21 ғинуарҙа үтәсәк. Быйыл ул 18-се тапҡыр үткәрелә. Ойоштороусылар хәбәр итеүенсә, конкурста бер аҙ үҙгәрештәр бар. Һәр номинацияла (ә улар программала өсәү – вокал, хореография, ансамблдәр) еңеүсене был өлкәләге профессионалдарҙан торған махсус жюри билдәләйәсәк. Быға тиклем фестиваль призерҙарын бөтә номинацияларҙа ла бер жюри билдәләй ине.

Бөгөнгө көнгә фестивалдә ҡатнашыу өсөн 500-гә яҡын конкурстант заявка биргән, һәм был, ойоштороу комитеты ағзалары һүҙҙәренсә, сик түгел әле. «Керәшен һыуыҡтары»нда үҙ оҫталыҡтарын күрһәтергә теләүселәр, ғәҙәттә, конкурс башланғанға тиклем үк килә.