5 декабрь, Дүшәмбе

16 ғинуар 2012 йыл, 13:59

Республика аграрийҙары халыҡ-ара трактор турнирына саҡырыла

автор: Ғәлиә Нәбиева

20 майҙа Дондағы Ростовта ауыл механизаторҙары араһында тәгәрмәсле тракторҙарҙа уҙыштар — «Бизон-трек-шоу» халыҡ-ара тамашаһы үткәрелә. Тракторҙар турнирында республика аграрийҙары ла ҡатнаша ала.

Ярыштарға двигатель күләме 4 литрға тиң тракторҙары (Беларус-80.1/82.1, Беларус-1221 һәм башҡалар) булған механизаторҙар саҡырыла. Республика хужалыҡтарында бындай модификациялы «ҡорос аттар» бихисап, тип хәбәр иттеләр БР Ауыл хужалығы министрлығының матбуғат хеҙмәтенән. Иң мөһим шарт — техника техник регламентҡа яуап бирергә тейеш.

Ярыштар ете этаптан торасаҡ. Улар иҫәбендә ваҡытҡа уҙыш, һыулы ҡаршылыҡтарҙы үтеү, араһында юлдарҙы алмаштырып, ҡулса буйынса парлы уҙыштар,  иң һуңынан тиҙлеккә маневрҙар.

Трактор раллиһында төп бүләк — ауыл хужалығы эштәре өсөн заманса трактор.

Ойоштороусылар әйтеүенсә, ярыштарҙа ҡатнашыусыларҙың барыһы ла бушлай туҡланасаҡ һәм ҡунаҡханаға урынлаштырыласаҡ. Ҡатнашыуға заявкалар 15 апрелгә тиклем ҡабул ителә.