4 декабрь, Йәкшәмбе

13 ғинуар 2012 йыл, 17:26

«Газпром трансгаз Өфө» балаларға Яңы йыл спектаклен бүләк итте

автор: «Башинформ»

Республиканың ҙур сәнәғәт предприятиеһы – «Газпром трансгаз Өфө» яуаплылығы сикләнгән йәмғиәте ярҙамында яҡынса мең ярым бала ҙур кинәнес менән «Чебурашканың һәм уның дуҫтарының Яңы йыл мажаралары» спектаклен ҡараны.

Сара Өфөнөң С.Орджоникидзе исемендәге Мәҙәниәт һарайында (әле ӨДНТУ-ның Йәштәр һарайы) үтте. Спектаклгә 12 балалар-үҫмерҙәр спорт мәктәбенән, Өфө балалары һәм үҫмерҙәре өсөн социаль һәм республика приютынан, 13-сө, 59-сы, 92-се мәктәп-интернаттарынан, 6-сы махсуслаштырылған балалар йортонан ҡыҙҙар һәм малайҙар саҡырылды.

«Яратҡан әкиәттәр» театры директоры Екатерина Куприянова журналистарға һөйләүенсә, үҫеп килгән йәш быуын тормошонда бындай акциялар бик ҙур роль уйнай.

Шуны ла әйтеп үтергә кәрәк, «Газпром трансгаз Өфө» предприятиеһы шулай уҡ даими рәүештә Башҡортостандың балалар йорттарына һәм приюттарына матди ярҙам күрһәтә, унда тәрбиәләнеүселәргә Яңы йыл бүләктәре бирә, балалар-үҫмерҙәр спортын үҫтереүҙә әүҙем ярҙам итә.