9 декабрь, Йома

12 ғинуар 2012 йыл, 14:42

Раштыуа иртәлеге Өфөлә меңдән ашыу баланы йыйған

автор: Евгений Рәхимҡолов

Өфөнөң Тимер юлсылар мәҙәниәт һарайында үткәрелгән Раштыуа иртәлеге 1150 баланы йыйған. Был хаҡта Башҡортостан митрополияһының мәғлүмәт-аналитика бүлегенән хәбәр иттеләр.

Көн элгәре үткән байрамға Өфөнән, Бәләбәйҙән, республиканың башҡа ҡалаларынан йәкшәмбе мәктәптәрендә уҡыған төрлө йәштәге балалар саҡырылған. Уларға «Преображение» йәштәр православие театры актерҙары әҙерләгән театрлаштырылған тамаша һәм Өфө марионеткалар театрының спектакле күрһәтелгән. Концерт Кирилл һәм Мефодий ғибәҙәтханаһының йәкшәмбе мәктәбе тәрбиәләнеүселәре башҡарыуындағы «Христославы» спектакле менән тамамланған. Иртәлек барышында шулай уҡ епархиаль олимпиадалар еңеүселәре бүләкләнгән.

темалар: балалар, дин