10 декабрь, Шәмбе

12 ғинуар 2012 йыл, 13:46

Рәсәй прокуратураһы юбилейын билдәләй

автор: Ольга Мортазина

Бөгөн Рәсәйҙә Прокуратура көнө билдәләнә. Быйыл күҙәтеү органына 290 йыл тула. 1722 йылдың 12 ғинуарында Петр I үҙенең указы менән Сенатта тәүгә генерал-прокурор посын булдыра. Байрам 1996 йылдан билдәләнә.

Рәсәй Федерацияһы Прокуратураһы ил Конституцияһы, «РФ прокуратураһы тураһында»ғы федераль закон, Рәсәй Федерацияһының Гражданлыҡ процессуаль кодексы, Енәйәт-процессуаль кодексы һәм Енәйәт кодексы нигеҙендә эшләй.

Прокуратура – закондар үтәлешен күҙәтеү буйынса дәүләт органы. Башҡортостан прокуратураһы 71 прокуратуранан ғибәрәт: 9 район-ара, 8 ҡала, 45 район, Өфөләге 7 район прокуратураһы һәм 2 махсус. Прокуратура хеҙмәткәрҙәренең дөйөм һаны – 884 кеше. 2005 йылдың декабренән республика прокуратураһына 2 класлы дәүләт юстиция советнигы Сергей Хуртин етәкселек итә.

«Башинформ» агентлығы Башҡортостан Республикаһы Прокуратураһы хеҙмәткәрҙәрен һөнәри байрамдары менән ҡотлай һәм эштәрендә уңыштар теләй.