5 декабрь, Дүшәмбе

11 ғинуар 2012 йыл, 15:38

Башҡортостандың микрофинанслау үҙәге бәләкәй эшҡыуарлыҡҡа ярҙам күрһәтеүен дауам итә

автор: Любовь Колоколова

Яңы йылдың тәүге аҙнаһынан «Башҡортостан Республикаһы Микрофинанслау үҙәге» төбәктең бәләкәй эшҡыуарлыҡ субъекттарына микрокредиттар биреүен дауам итте. Бәләкәй бизнесҡа дәүләт ярҙамы күрһәтеүгә билдәләнгән матди ярҙамдың күләме 178,75 млн һум тәшкил итә, тип хәбәр иттеләр БР Эшҡыуарлыҡ һәм туризм буйынса дәүләт комитетының матбуғат хеҙмәтенән.

Хәтерегеҙгә төшөрәйек, бәләкәй эшҡыуарлыҡ субъекттары өсөн уңайлы булһын өсөн республика биләмәһендә эшҡыуарҙарға бушлай консультациялар биреү, йылына 10 процент ставка менән бер миллион һумға тиклемге суммала микрокредиттар алыуға заявкалар ҡабул итеү һәм килешеүҙәр төҙөү менән шөғөлләнеүсе БР Микрофинанслау үҙәгенең туғыҙ офисы асылды.

Микрофинанслау шарттары һәм офистарҙың адрестары тураһында тулыраҡ мәғлүмәтте www.centerrb.ru сайтынан табырға мөмкин.