3 декабрь, Шәмбе

11 ғинуар 2012 йыл, 14:31

11 ғинуар – бөтә Рәсәй ҡурсаулыҡтар һәм милли парктар көнө

автор: Галина Бахшиева

Бөгөн, 11 ғинуарҙа, Рәсәйҙә Ҡурсаулыҡтар һәм милли парктар көнө билдәләнә. Тап ошо көндә 1916 йылда илдә тәүге Баргузин дәүләт ҡурсаулығы асылған. Ул Байкалдағы Баргузин кешен һәм башҡа йәнлектәрҙе һаҡлау маҡсатында ойошторолған.

Бөгөнгө көндә Башҡортостанда “Башҡорт”, “Шүлгәнташ”, “Көньяҡ Урал” кеүек өс ҡурсаулыҡ һәм бер “Башҡортостан” милли паркы бар. Был тәбиғәт объекттарының дөйөм майҙаны 407 мең гектарҙан ашыу тәшкил итә.

— Заповедниктар һәм милли парктар тәбиғәт процестарының һәм күренештәренең тәбиғи әйләнешен, үҫемлек һәм хайуандар донъяһының генетик фондын һаҡлау өсөн булдырылған, — тине республиканың Тәбиғәттән файҙаланыу һәм экология министрлығының матбуғат секретары Нина Никандрова.