4 декабрь, Йәкшәмбе

30 декабрь 2011 йыл, 10:19

Президент һайлауҙарында тауыш биреү өсөн 60 мең үтә күренмәле урна файҙаланыласаҡ

автор: Марина Шумилова

Мартта үтәсәк Рәсәй Президенты һайлауҙарында тауыш биреү өсөн 60 мең самаһы үтә күренмәле урна һатып алынасаҡ һәм файҙаланыласаҡ, тип хәбәр итә РИА Новости. РФ Үҙәк һайлау комиссияһы рәйесе Владимир Чуров Рәсәй Федерацияһы субъекттарының һайлау комиссиялары башлыҡтары менән үткән кәңәшмәлә ярым үтә күренмәле йәшниктәрҙе үтә күренмәлеләренә алмаштырыуҙы тиҙләтеү инициативаһы менән сығыш яһаны. Премьер-министр Владимир Путин был тәҡдимде хупланы.

Тауыш биреү өсөн 60 мең самаһы ошондай үтә күренмәле урналар ҡуйыу һайлауҙа 50 миллионға яҡын рәсәйлене хеҙмәтләндерергә мөмкинлек бирәсәк. Бындай урналар илдәге ҙур ҡалаларҙың барыһында ла ҡуйылырға тейеш.

темалар: һайлау