8 декабрь, Кесе йома

29 декабрь 2011 йыл, 13:36

Республикала социаль фотоһүрәт конкурсы иғлан ителде

автор: Евгений Рәхимҡолов

Өфө епархияһы «Изгелек. Яҡындарға ярҙам. Бүләк итәм» социаль фотоһүрәт конкурсын иғлан итте.

Христиан динендә хөрмәтлеләрҙән һаналған изге эштәр — етемдәргә, сирлеләргә, инвалидтарға, өйһөҙҙәргә, ололарға һәм башҡа мохтаждарға ярҙам итеү ғәмәле сағылдырылған фотографиялар ҡатнашыуға ҡабул ителә.

Конкурс 20 ғинуарға тиклем дауам итәсәк. Унда теләге булғандарҙың барыһы ла ҡатнаша ала, шул уҡ мәлдә ебәрелгән фотоһүрәттәр бишәүҙән артмаҫҡа тейеш. Йомғаҡтар яһалғандан һуң, «Ҡунаҡһарай» сауҙа комплексында иң яҡшы эштәрҙән күргәҙмә ойоштороласаҡ. Конкурс тәртибе тураһында тулыраҡ мәғлүмәтте Өфө епархияһының рәсми сайтынан ҡарарға мөмкин.

темалар: конкурстар, дин