5 декабрь, Дүшәмбе

28 декабрь 2011 йыл, 18:22

Яңы йыл каникулдарында Башҡортостандың Хеҙмәт һәм халыҡты социаль яҡлау министрлығы учреждениеларында махсус режим индерелә

автор: Ғәлиә Нәбиева

Яҡынлашып килгән Яңы йыл каникулдарында Башҡортостандың Хеҙмәт һәм халыҡты социаль яҡлау министрлығы ҡарамағында булған учреждениеларҙа махсус эш режимы индерелә. Ведомствоның матбуғат хеҙмәтенән хәбәр итеүҙәренсә, тейешле саралар социаль яҡтан тәьмин итеүҙең стационар учреждениелары эшмәкәрлеген өҙлөкһөҙ тәьмин итеү, шулай уҡ ғәҙәттән тыш хәлдәрҙе иҫкәртеү өсөн кәрәк.

Учреждение директорҙары медицина хеҙмәткәрҙәренең тәүлек әйләнәһенә дежурлығын тәьмин итә. Бынан тыш, бүлмәләрҙә температура режимын һаҡлауға, күрһәтелгән осорға дарыуҙар һәм аҙыҡ продукттары менән тәьмин итеүгә айырыуса иғтибар бүленә.