3 декабрь, Шәмбе

27 декабрь 2011 йыл, 16:49

Йоматауҙа хәрби-патриотик фестиваль үтте

автор: Тимур Рәхмәтуллин

Өфө районының Йоматау ауылында 112-се Башҡорт кавалерия дивизияһына 70 йыл тулыуға һәм Мәскәү янындағы һуғышта Совет ғәскәрҙәренең һөжүм итеүенә 70 йыл тулыуға арналған асыҡ хәрби-патриотик фестивале үтте. Ойоштороусылар — «Ҡарлуғас» балалар, үҫмерҙәр һәм йәштәр клубы, йәштәр эштәре буйынса район комитеты, Республика Хәрби дан музейы һәм Йоматау урта мәктәбе.

Фестивалдә «Каскад» (Нижегородка ауылы), «Русь» (Булгаков ауылы), «Рейд» хәрби-патриотик клубтарынан, «Форвард» төркөмө» хәрби реконструкция клубынан, Жуков, Авдон, Николаевка ауылдары мәктәптәренән, шулай уҡ Кушнаренко һәм Нуриман райондарынан командалар ҡатнашты, тип хәбәр иттеләр Өфө районы хакимиәтенең мәғлүмәт-аналитика бүлегенән.