Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.54 ↑

EUR 67.68 ↓

29 июнь, Кесе йома

Уфа   °

Белоретта Өфө уҡытыусылары ислам дине буйынса лекциялар үткәрҙе

Йәмғиәт

Белоретта, ҡала хакимиәте бинаһында, Башҡортостан Президенты ҡарамағындағы Дәүләт-конфессия-ара мөнәсәбәттәр буйынса Совет ярҙамында Өфөнөң мәғлүмәти-ағартыу төркөмөнөң Белорет районы халҡы менән осрашыуы үтте. Лекторҙар төркөмө составында М.Аҡмулла исемендәге Башҡорт дәүләт педагогия университетының «Мосолман мәғарифын үҫтереү» фәнни-тикшеренеү үҙәге, Башҡортостан Республикаһы мосолмандарының Диниә назараты һәм Мәрйәм Солтанова исемендәге Ислам колледжы вәкилдәре булды. Осрашыу выждан азатлығы һәм дини ойошмалар тураһындағы ҡануниәтте аңлатыу, ислам дине тарихын һәм мәҙәниәтен пропагандалау, дини экстремизмды иҫкәртеү маҡсатында үткәрелде, тип хәбәр иттеләр район хакимиәтенең мәғлүмәт-аналитика бүлегенән.

Руханиҙар, ауыл биләмәләренең хакимиәт башлыҡтары, мәҙәниәт һәм мәғариф хеҙмәткәрҙәре алдында БДПУ доценты Таһир Әминев, Башҡортостан мосолмандары Диниә назаратының Йәштәр бүлеге етәксеһе Айнур Арыҫланов һәм Мәрйәм Солтанова исемендәге Ислам колледжы уҡытыусыһы шәйех Араби Камаль сығыш яһаны.

Шулай уҡ Өфө ҡунаҡтары «Йәмиғ» үҙәк ҡала мәсетендә булды, унда улар Белорет районы имамдары менән осрашты.

Яндекс цитирования
Рейтинг ресурсов "УралWeb" -->
закрыть