8 декабрь, Кесе йома

23 декабрь 2011 йыл, 16:59

Республикала бер мәктәп компьютерына 18 уҡыусы тура килә

автор: Галина Бахшиева

Башҡортостанда уртаса бер мәктәп компьютерына 18 уҡыусы тура килә. Республиканың 50-нән ашыу мәктәбендә ғөмүмән компьютерҙар юҡ. Һәр етенсе мәктәптә һыу менән тәьмин итеү системаһы санитар нормаларға тап килмәй, спорт залдары, медицина кабинеттары һәм ашханалар юҡ. Был мәғлүмәттәр бөгөн Башҡортостан Республикаһы Контроль-иҫәп палатаһының йомғаҡлау ултырышында уҡып ишеттерелде.

— Илдәге иң ҡеүәтле мәғариф системаларының береһе – Башҡортостанда. Шул уҡ ваҡытта дөйөм белем биреү өлкәһендәге хеҙмәткәрҙәрҙең уртаса эш хаҡы иҡтисад өлкәһендәгенә ҡарағанда ике тапҡырға тиерлек түбәнерәк. Мәктәптәрҙең, айырыуса ауыл ерендә урынлашҡан белем биреү учреждениеларының матди-техник торошо сифатлы белем биреүҙә кәрәкле шарттар менән тәьмин итмәй, — тип иҫәпләй Башҡортостандың Контроль-иҫәп палатаһы рәйесе Салауат Харасов.