6 декабрь, Шишәмбе

23 декабрь 2011 йыл, 13:10

Айҙар Ғәлимов приютта тәрбиәләнеүселәрҙе Яңы йыл менән ҡотланы

автор: Людмила Терновая

Башҡортостан Республикаһының Дәүләт Йыйылышы – Ҡоролтай депутаты Айҙар Ғәлимов балаларға ярҙам итеү буйынса хәйриә акцияһында ҡатнашты. Был хаҡта «Башинформ» агентлығына республика парламентының матбуғат хеҙмәтенән хәбәр иттеләр.

Өфөлә Каруанһарайҙа үткән «Раштыуа йәрминкәһе»ндә Айҙар Ғәлимов галстук, дискылар коллекцияһын, шулай уҡ ҡатыны бешергән бәлеште аукционға сығарҙы. Акция барышында эшләнгән аҡсаларға Иглин районының Охлебинин приютында тәрбиәләнеүсе балалар өсөн Яңы йыл бүләктәре һатып алынсаҡ.  

Депутат балаларға бындай ярҙамды беренсе тапҡыр күрһәтмәй. Бығаса ул приют хеҙмәткәрҙәренә кер йыуыу машинаһы һәм спорт инвентарын һатып алыу өсөн сертификат тапшырғайны.