3 декабрь, Шәмбе

22 декабрь 2011 йыл, 16:21

Дмитрий Медведев Рәсәй төбәктәре башлыҡтарын һайлауҙар ярҙамында билдәләргә тәҡдим итте

автор: Марина Шумилова

Рәсәй Президенты Дмитрий Медведев РФ Федераль Йыйылышына үҙенең дүртенсе Мөрәғәжәтнамәһендә Рәсәй сәйәсәте системаһында комплекслы үҙгәртеп ҡороу үткәрергә, атап әйткәндә, төбәктәр башлығын тура тауыш биреү ярҙамында һайларға, партияларҙы ябайлаштырылған тәртиптә теркәргә, Дәүләт Думаһына һайлауҙар системаһын үҙгәртергә тәҡдим итте.

— Рәсәй Федерацияһы субъекттары етәкселәрен төбәктәр халҡының тауыш биреүе ярҙамында һайлауға күсергә, партияларҙы ябайлаштырылған тәртиптә теркәү мөмкинлеген булдырырға кәрәк тип һанайым, — тип белдерҙе Президент. Дмитрий Медведев Дәүләт Думаһына һайлау системаһын да үҙгәртергә, 225 округ буйынса пропорциональ вәкиллек индерергә тәҡдим итте. Уның фекеренсә, был сара арҡаһында һәр биләмәнең парламентта үҙ вәкиле буласаҡ.