8 декабрь, Кесе йома

22 декабрь 2011 йыл, 13:54

2011 йылдағы һайлауҙы яҡтыртыу конкурсында 46 киң мәғлүмәт сараһы ҡатнашҡан

автор: Мәүлиҙә Яҡупова

БР Үҙәк һайлау комиссияһы ағзаларынан һәм республика журналистарының ижади берекмәһе вәкилдәренән торған БР Үҙәк һайлау комиссияһының конкурс комиссияһы 2011 йылда Башҡортостанда һайлау кампанияларын әҙерләү һәм уны үткәреүҙе яҡтыртҡан журналистар эштәре һәм автор материалдары конкурсына йомғаҡ яһаны.

Конкурсҡа 46 матбуғат һәм электрон киң мәғлүмәт сараларынан материалдар тәҡдим ителгәйне.  Бәйгелә республика, ҡала һәм район гәзиттәре, «Башинформ» мәғлүмәт агентлығы, «Башҡортостан» теерадиокомпанияһы һәм муниципаль студиялар редакциялары һәм журналистары ҡатнашты.

Тапшырылған эштәрҙе ентекле тикшергәндән һуң комиссия ағзалары призлы урындар биреү өсөн иң яҡшы редакцияларҙы атаны. Киләһе аҙнала конкурс комиссияһының ҡарары БР Үҙәк һайлау комиссияһы ултырышында раҫланғандан һуң, еңеүселәрҙе бүләкләү тантанаһы үткәреләсәк. Иң сағыу һәм ҡыҙыҡлы материал өсөн айырым журналистар махсус премия менән бүләкләнәсәк.