5 декабрь, Дүшәмбе

22 декабрь 2011 йыл, 13:17

4 мартта Башҡортостан халҡы Рәсәй Президенты менән бергә урындағы Совет депутаттарын һайлаясаҡ

автор: Марина Шумилова

Башҡортостанда Берҙәм тауыш биреү көнөндә — 4 мартта Рәсәй Федерацияһы Президенты һайлауҙары менән бергә муниципаль һайлауҙар үтәсәк.

БР Үҙәк һайлау комиссияһы хәбәр итеүенсә, республиканың һигеҙ ҡала округында – Өфөлә, Ағиҙелдә, Күмертау, Нефтекама, Октябрьскийҙа, Салауат, Сибай һәм Стәрлетамаҡта урындағы үҙидара органдары – ҡала Советтарына һайлауҙар үтәсәк. Дөйөм алғанда 192 мандат алмаштырыласаҡ. Межгорье ябыҡ административ-территориаль берәмегендә ҡала Советына өҫтәмә һайлауҙар (бер һайлау округы буйынса) үтергә тейеш. Ете ҡала Советына депутаттар һайлау тәүге тапҡыр ҡатнаш система буйынса ойоштороласаҡ (мажоритар һәм пропорциональ).

Ошо уҡ көндө туғыҙ ҡала биләмәһе Советына (165 бер мандатлы округ буйынса) һәм 30 ауыл биләмәһе Советына (294 округ буйынса) һайлауҙар үтәсәк. 69 округ буйынса ауыл биләмәләре Советына өҫтәмә һәм ҡабаттан һайлауҙар үтәсәк.

4 мартта урындағы һайлауҙарҙа дөйөм алғанда 721 депутат мандаты алмаштырыласаҡ.

темалар: һайлау