11 декабрь, Йәкшәмбе

19 декабрь 2011 йыл, 10:12

Башҡортостан уҡыусыһы Халыҡ-ара олимпиадала абсолют чемпион булды

автор: Эльмира Сабирова

Нефтекаманың 1-се гимназияһының унынсы синыф уҡыусыһы Айнур Мәҡсүтов Көньяҡ Африка Республикаһының Дурбан ҡалаһында үткән VIII Халыҡ-ара тәбиғи фәндәр олимпиадаһында абсолют чемпион булды. Ул Рәсәйҙең йыйылма командаһы составында сығыш яһаны. Был хаҡта Башҡортостандың Мәғариф министрлығынан хәбәр иттеләр.

Тәбиғи фәндәр олимпиадаһы өс предмет буйынса үткәрелгән: физика, химия һәм биология. Ҡатнашыусылар өс тур аша үткән. Рәсәйҙән бер юлы ике уҡыусы донъялағы иң яҡшы юниор иҫәбенә ингәнгә күрә Рәсәй командаһы дөйөм команда иҫәбендә икенсе урын яулаған, беренсе урында – Тайвань командаһы.

Рәсәй уҡыусылары был абруйлы интеллектуаль сарала уңышлы сығыш яһаған: өс алтын һәм өс көмөш алып ҡайтҡан.