6 декабрь, Шишәмбе

13 декабрь 2011 йыл, 13:58

Өфөлә ҡаланың иң матур ҡыҙҙары билдәләнде

автор: Әлфиә Әһлиуллина | фото: Әмир Ғүмәров

«Мисс Өфө-2011» матурлыҡ бәйгеһе йәнә баш ҡаланың иң матур ҡыҙҙарын билдәләне. Сарала ҡаланан 15 һылыу ҡатнашты.

Шоу программаһында дефиле, үҙең менән таныштырыу һәм башҡа төрлө бәйгеләр булды. Кисә аҙағында ҡыҙҙар матур күлдәктәрҙә сәхнәгә сығып, тамашасы күңелен һомғоллоғо, һөйкөмлөлөгө менән арбаны.

Тауыш биреү һөҙөмтәләре буйынса киләһе ҡыҙҙар еңеүсе тип табылды.

Өсөнсө урынға 21 йәшлек Ольга Сивачева сыҡты, уға туристик сәйәхәткә сертификат тапшырылды.

Икенсе урынды һәм шәшке тиреһенән тегелгән тунды 18 йәшлек Ольга Бурмистрова алды, уға фотосессияға сертификат тапшырылды.

«Мисс Өфө-2011» конкурсында еңеүсе тип 17 йәшлек Мария Жигулева иғлан ителде, таж менән бергә уға бриллиант муйынсаҡ та эләкте.