7 декабрь, Шаршамбы

12 декабрь 2011 йыл, 12:22

Өфөлә йәштәр митинг үткәрҙе

автор: Евгений Рәхимҡолов

Өфөнөң «Нефтсе» мәҙәниәт һарайы алдында йәштәрҙең митингыһы үтте. Был хаҡта «Башинформ» агентлығына был сараның төп ойоштороусыһы буып сығыш яһаған «Йәш Гвардия»ның төбәк бүлексәһенән хәбәр иттеләр. Митингыға йәштәрҙең башҡа йәмәғәт ойошмалары ла ҡушылған.

Митингыға сыҡҡандар юғары уҡыу йортон тамамлаусыларҙы эшкә урынлаштырыу, йәш белгестәрҙе торлаҡ менән тәьмин итеү, сәләмәт йәшәү рәүешен һәм әүҙем тормош позицияһын пропагандалау кеүек йәштәрҙең көнүҙәк мәсьәләләрен хәл итеүҙе талап итеп сығыш яһаған.

БР Дәүләт Йыйылышы – Ҡоролтай ҡарамағындағы Йәштәр йәмәғәт палатаһы вәкиле Александр Толстых билдәләүенсә, был маҡсаттарҙың барыһына ла әүҙем эшмәкәрлек алып барыу ярҙамында -  пикеттар, митингылар, илдә барған хәл-ваҡиғаларға ҡарата үҙ фекереңде белдереү һәм «Йәш Гвардия» ойошторған һәр төрлө социаль акцияларҙа ҡатнашыу арҡаһында ғына ирешергә мөмкин.