10 декабрь, Шәмбе

12 декабрь 2011 йыл, 10:48

Башҡортостанға Финляндияның рәсми делегацияһы киләсәк

автор: "Башинформ"

13 декабрҙә Өфөгә Финляндияның Европа эштәре буйынса һәм тышҡы сауҙа министры Александер Стубб етәкселегендәге Финляндия Республикаһының рәсми делегацияһы киләсәк. Делегация составында Финляндияның Рәсәйҙәге илсеһе Матти Анттонен, министрлыҡтар һәм ведомстволар хеҙмәткәрҙәре, эшлекле даирә вәкилдәре лә бар.

Ике көн дауамында сит ил ҡунаҡтары Башҡортостан етәкселеге менән осрашыуҙар үткәрәсәк, Өфөнөң техник вуздарында буласаҡ, эшлекле партнерҙар менән һөйләшеүҙәрҙә ҡатнашасаҡ. 13 декабрҙә Өфөнөң Президент-отелендә Башҡортостан менән Финляндия бизнесмендарының бәйләнештәр биржаһы үтәсәк. 14 декабрҙә Конгресс-холда Финляндия-Башҡортостан эш төркөмөнөң ултырышы уҙғарыласаҡ.