9 декабрь, Йома

09 декабрь 2011 йыл, 16:06

Өфөлә ташлама менән файҙаланыусылар өсөн бушлай финанс консультациялары үтә

автор: Әлфиә Шәрәфетдинова

Башҡортостандың социаль технологиялар институты студенттары Өфөлә социаль яҡтан яҡланмаған граждандар өсөн финанстар темаһына бушлай консультациялар үткәрә. Вуз уҡытыусылары етәкселегендәге финанс-иҡтисад факультетының өлкән курс студенттары эш хаҡына, физик шәхестәргә һәм эшҡыуарҙарға һалым һалыуға, ғүмерҙе һәм торлаҡты страховкалауға, кредитлауға бәйле һәр төрлө һорауҙарға яуап бирергә әҙер, шулай уҡ бизнес-план төҙөргә йәки банкта вклад асырға ла ярҙам итәсәк.

Ҡала хакимиәтенән хәбәр итеүҙәренсә, «Башҡортостан социаль технологиялар институты консультанты» тип аталған финанс хеҙмәте аҙнаһына өс тапҡыр – дүшәмбе, шишәмбе һәм кесаҙна көндәрендә 14-16 сәғәттәрҙә эшләй. Ҡабул итеү Өфө ҡалаһы, Октябрь проспекты, 74/2, 101-се бүлмә адресы буйынса үткәрелә. Тел.: 241-42-72.