3 декабрь, Шәмбе

09 декабрь 2011 йыл, 12:46

Өфөнөң вакансиялар йәрминкәһендә һәр урынға өсөшәр эш эҙләүсе тура килде

автор: Галина Бахшиева

Баш ҡаланан яҡынса 20 ойошма сәнәғәт предприятиелары өсөн үткәрелгән вакансиялар йәрминкәһендә ҡатнашты. Улар 200-ҙән ашыу буш эш урыны тәҡдим итте.

— Йәрминкәгә килеүселәргә сәнәғәт кенә түгел, иҡтисадтың башҡа өлкәләренән дә вакансиялар тәҡдим ителде. Улар араһында – сауҙа, төҙөлөш, транспорт. Эш биреүселәр тәҡдим иткән хеҙмәт хаҡы һигеҙ меңдән алып тәшкил итте, — тип һөйләне «Башинформ» агентлығына Өфөнөң Халыҡ мәшғүллеге үҙәгенең предприятиелар менән бәйләнештәр бүлеге начальнигы Ирина Турчина.

Көн элгәре ҡала вакансиялар йәрминкәһенә килгән 600 өфөлөнән 200 кеше эш биреүселәр менән әңгәмә үтте. Һөҙөмтәлә уларҙан 120 кеше эшкә саҡырыу алды.

Быйыл һуңғынан алдағы, 63-сө вакансиялар йәрминкәһе Өфөлә 15 декабрҙә үтәсәк, унда транспорт һәм элемтә предприятиелары үҙ вакансияларын тәҡдим итәсәк.