Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.18 ↓

EUR 63.22 ↑

19 ғинуар, Кесе йома

Уфа   °

Республиканың юл фонды муниципалитеттар араһында бүленәсәк

Иҡтисад

Башҡортостан юл фонды средстволарының өстән бер өлөшө муниципалитеттар – республиканың ҡалалары һәм райондары араһында бүленәсәк. Башҡортостандың финанс министры Рузалия Хисмәтуллина һүҙҙәренсә, был 2012 йылдағы бюджеттың яңы үҙенсәлеге буласаҡ.

— Алдағы йылда республика юл фондының ярайһы уҡ ҙур өлөшө — яҡынса ике миллиард һум урындарға йүнәлтеләсәк. Был средстволар дөйөм ҡулланылыштағы юлдарҙың төҙөклөгөнә, төҙөлөшөнә һәм ремонтлауға ҡулланыласаҡ, — тип хәбәр итте Финанс министрлығы башлығы.

Ул республикала юл фондының федераль ҡануниәт талаптарына ярашлы быйыл булдырылыуы хаҡында иҫкә төшөрҙө.

— Ул беҙҙең бюджет составында раҫланды, уның килемдәр һәм сығымдар өлкәһендәге күләме балансланған һәм 7,4 миллиард һум тәшкил итә, — тип билдәләне Рузалия Хисмәтуллина.

Килемдәрҙең төп сығанаҡтары – транспорт һалымы һәм нефть продукттарын һатыуҙан акциздар. Ҙур булмаған сумма субсидиялар формаһында федераль бюджеттан йүнәлтелә.

Республиканың финанс министры һүҙҙәренсә, киләһе йылда юл фонды күләме яҡынса 2011 йыл кимәлендә һаҡланып ҡаласаҡ.

Яндекс цитирования
Рейтинг ресурсов "УралWeb" -->
закрыть