6 декабрь, Шишәмбе

06 декабрь 2011 йыл, 12:54

Өфөлә һайлауҙар тарихы буйынса күргәҙмә эшләй

автор: Евгений Рәхимҡолов

Алтынсы саҡырылыш Дәүләт Думаһына депутаттар һайлауҙы әҙерләү һәм үткәреү сиктәрендә ойошторолған «Һайлауҙар тарихы – ил тарихы» күргәҙмәһе Өфөлә Әхмәтзәки Вәлиди исемендәге Милли китапханала эшләй. Был хаҡта «Башинформ» агентлығына Башҡортостан Республикаһы Үҙәк һайлау комиссияһының матбуғат хеҙмәтенән хәбәр иттеләр.

— Күргәҙмәлә Өфө мәктәптәре уҡыусылары һәм республикаһы Президенты ҡарамағындағы Башҡортостан дәүләт хеҙмәте һәм идара академияһында белем алыусылар булды. Теләгән һәр кем өсөн экскурсиялар ойошторабыҙ, — тине китапхана бүлеге мөдире Сажиҙә Бишева.

Дәүләт Думаһына депутаттар һайлау тамамланыу айҡанлы күргәҙмә яңы экспонаттар менән тулыландырыласаҡ.

Иҫегеҙгә төшөрәбеҙ, күргәҙмә 12 декабргә тиклем эшләйәсәк.