Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.54 ↑

EUR 67.68 ↓

29 июнь, Кесе йома

Уфа   °

Баш ҡалала Республика телевизион милли мәҙәниәттәр фестиваленең гала-концерты үтәсәк

Йәмғиәт

Башҡортостан Республикаһы халыҡтарының милли мәҙәниәттәре республика телевизион фестиваль-марафонының гала-концерты Өфөлә 8 декабрҙә «Нефтсе» мәҙәниәт һарайында үтәсәк.

Милли мәҙәниәттәр фестивале – Башҡортостанда Милләт-ара татыулыҡты нығытыу йылына арналған ҙур проект. Ул октябрҙә старт алды һәм бер ай дауамында республиканың барлыҡ тиерлек район һәм ҡалаларын йәлеп итте. Республика халыҡтарының милли мәҙәниәттәрен, халыҡ ижады жанрҙарын һаҡлап ҡалыу һәм үҫтереү, Башҡортостан халыҡтары араһында дуҫлыҡты нығытыу фестиваль маҡсаттары булып тора. Уны ойоштороусылар булып Башҡортостан Республикаһының Мәҙәниәт министрлығы, Республика халыҡ ижады үҙәге, «Башҡортостан» телерадиокомпанияһы дәүләт унитар предприятиеһы, республика ҡала округтары һәм муниципаль райондары хакимиәттәре сығыш яһаны.

Иҫегеҙгә төшөрәбеҙ, фестивалде асыу тантанаһы Архангел ауылында үтте. Унда Өфөнән, Архангел, Ҡырмыҫҡалы, Иглин һәм Өфө райондарынан үҙешмәкәр коллективтар ҡатнашты.

Артабан фестиваль республиканың көньяҡ-көнсығыш райондарына юлланды, унда эстафетаны Белорет районы ҡабул итте. Халыҡтарҙың милли мәҙәниәттәре фестиваль-марафонында Белорет районынан дүрт халыҡ фольклор коллективы сығыш яһаны.

Артабан фестиваль-марафон Баймаҡ ҡалаһына юлланды, унда Хәйбулла, Йылайыр райондарының һәм Сибай ҡалаһының фольклор коллективтары үҙ ижады менән таныштырҙы.

15 октябрҙә фестивалде – Мәләүездә һәм Стәрлетамаҡта, 18 октябрҙә — Кушнаренко ауылында һәм Нефтекама, Яңауыл ҡалаларында, 19 октябрҙә — Бөрөлә, 21 октябрҙә Саҡмағош, Раевка ауылдарында һәм Бәләбәй ҡалаһында ҡабул иттеләр. Фестиваль 22 октябрҙә Оло Ыҡтамаҡ ауылында тамамланды.

«Башинформ» агентлығына ойоштороусылар хәбәр итеүенсә, 8 декабрҙә үтәсәк телевизион фестиваль-марафондың гала-концерты үҙенә күрә республикала Милләт-ара татыулыҡты нығытыу йылына йомғаҡ яһау буласаҡ. Унда ҡатнашыу өсөн Өфөгә иң яҡшы солистар һәм коллективтар – фестивалдең зона программаларында ҡатнашыусылар саҡырылған.

Яндекс цитирования
Рейтинг ресурсов "УралWeb" -->
закрыть