9 декабрь, Йома

01 декабрь 2011 йыл, 20:23

Өфөлә Һиндостан хазинаһы күргәҙмәһе асылды

автор: Әлфиә Әһлиуллина

«Һиндостан хазинаһы» күргәҙмәһе Өфөлә 1 декабрҙә «Аҡбуҙат» ипподромында асылды һәм 10 көн дауамында эшләйәсәк. Бында ҡулдан туҡылған келәмдәр, ынйынан эшләнгән биҙәүестәр, тәбиғи материалдарҙан төрлө изделиелар, шулай уҡ мебель тәҡдим ителә.

«Башинформ» агентлығына ойоштороусылар хәбәр итеүенсә, мәҙәни-күңел асыу программаһы был экзотик сараның мөһим бер өлөшө булып тора: йырҙар, бейеүҙәр һәм башҡа ижади номерҙар тәҡдим ителә.

Бынан тыш, теләгән һәр кем сәй һәм ҡәһүәнең айырым сорттарынан, көнсығыш илдәренең тәм-томдарынан ауыҙ итә ала.

темалар: күргәҙмәләр