7 декабрь, Шаршамбы

30 ноябрь 2011 йыл, 15:49

Дмитрий Медведев Башҡортостанда «Ҡурай» технопаркын булдырыу идеяһын хупланы

автор: Евгений Рәхимҡолов

Рәсәй Президенты Дмитрий Медведев Башҡортостанда «Ҡурай» технопаркын булдырыуҙы хупланы. Был хаҡта, Башҡортостан Республикаһы Дәүләт Йыйылышы – Ҡоролтай депутаттары алдында Мөрәжәғәт менән сығыш яһап, республика башлығы Рөстәм Хәмитов хәбәр итте.

Республика Президенты билдәләүенсә, «Ҡурай» технопаркын мәғлүмәт һәм коммуникация технологиялары өлкәһендә эшләү өсөн булдырыу планлаштырыла. Технопарк 2014 йылда 1500 яңы эш урынын булдырыу мөмкинлеген бирәсәк.

— Рәсәй Президенты Дмитрий Медведевтың беҙгә визиты барышында мин уның менән был идея тураһында һөйләштем, һәм ил башлығы уны хупланы, — тине Рөстәм Хәмитов. – Был проект өсөн үҙәктән бер миллиардҡа тиклем аҡса ала алырбыҙ, тип уйлайым.