4 декабрь, Йәкшәмбе

28 ноябрь 2011 йыл, 13:23

Мәскәүҙә Башҡортостан Республикаһы көндәре үтәсәк

автор: Евгений Рәхимҡолов

2012 йылдың тәүге яртыһында Мәскәүҙә Башҡортостан Республикаһы көндәре үтәсәк. Был хаҡта Дәүләт Кремль һарайында үткәрелгән «Башҡортостандан сығыусы» концертында матбуғат вәкилдәре менән аралашыу барышында Башҡортостан Президенты Рөстәм Хәмитов хәбәр итте.

Уның һүҙҙәренсә, баш ҡала мэры Сергей Собянин менән Мәскәүҙә Башҡортостан Республикаһы көндәрен үткәреү тураһында килешеүгә өлгәшелде.

— Был ҙур сара буласаҡ, унда күргәҙмәләр, йәрминкәләр, сауҙа майҙансыҡтары, концерттар ойоштороласаҡ, — тине Рөстәм Хәмитов.