8 декабрь, Кесе йома

25 ноябрь 2011 йыл, 15:43

«Ҡала мөхите-2011» фестиваленең экономинацияһында Омск студенттары еңеүсе булды

автор: Галина Бахшиева

VII «Ҡала мөхите» социаль реклама фестиваленең экологик номинацияһында Омск дәүләт педагогия университеты студенттары Андрей Бровко менән Анастасия Гориченко еңеүсе булды. Фестиваль сиктәрендә махсус экономинация «Тәбиғәт» дәүләт унитар предприятиеһы һәм Башҡортостандың Экология порталы менән иғлан ителде.

Йәмәғәтселек иғтибарын экология мәсьәләләренә йәлеп итеү «Ҡала мөхите»нең төп маҡсаты булып тора.

—Андрей Бровко менән Анастасия Гориченконың сүп-сар проблемаһына арналған берлектәге эше иң яҡшыһы тип табылды. Беҙгә уйланырға һәм ҡайҙа етте шунда сүп-сар ташлауҙан арынырға ваҡыт. Йәшәү сифаты һәр беребеҙҙән тора. Беҙҙең һаулыҡ экология торошона туранан-тура бәйле, — тип иҫәпләй «Тәбиғәт» дәүләт унитар предприятиеһының инженер-экологы Альбина Шәмсетдинова.

Экология темаһына бөтә конкурс эштәре www.ecorb.ru порталында урын аласаҡ.