10 декабрь, Шәмбе

24 ноябрь 2011 йыл, 17:35

Республикала 3 меңгә яҡын уҡыу йортон тамамлаусы мәшғүллек хеҙмәте ярҙамында эш тапҡан

автор: Галина Бахшиева

Ағымдағы йылдың тәүге ун айы эсендә Башҡортостандың Халыҡ мәшғүллеге хеҙмәтенә 5 меңгә яҡын уҡыу йортон тамамлаусы мөрәжәғәт иткән. Уларҙың 3 меңгә яҡыны йәғни 60 проценты эшкә урынлаштырылған.

Башҡортостандың Халыҡ мәшғүллеге дәүләт хеҙмәте идаралығынан хәбәр итеүҙәренсә, халыҡ мәшғүллеге хеҙмәте органдарында иҫәптә тороусы йәштәр составы киләһесә: 48 процент – юғары уҡыу йорттарын тамамлаусылар, 41 процент – урта махсус уҡыу йорттарын тамамлаусылар һәм 11 процент – башланғыс һөнәри белем биреү учреждениеларын тамамлаусылар.

Әлеге ваҡытта рәсми рәүештә теркәлеүселәрҙең һәр дүртенсеһе – йәш кеше. Бөгөнгө көнгә республикала 16-29 йәшлек 7 меңдән ашыу эшләмәгән йәш кеше иҫәпләнә.