10 декабрь, Шәмбе

22 ноябрь 2011 йыл, 17:59

Башҡортостанда Дума мандаттарына 92 кандидат көрәшә

автор: Марина Шумилова

Башҡортостанда Дума мандаттарына әлеге һайлау марафонында ҡатнашыусы барлыҡ сәйәси партияларҙан 92 кандидат көрәшә. Өфөлә территориаль һайлау комиссияһы рәйестәре кәңәшмәһендә Башҡортостан Республикаһы Үҙәк һайлау комиссияһы рәйесе Хәйҙәр Вәлиев хәбәр итеүенсә, уларҙың 88-е Дәүләт Думаһы депутаттарын һайлауҙа тәүгә ҡатнаша, дүртәүһе – ғәмәлдәге Дума депутаттары. 67 кандидат – Башҡортостанда тыуған һәм әлеге ваҡытта республикала йәшәй. 80 кандидат юғары белемгә эйә. Дәүләт Думаһына депутатлыҡҡа кандидаттарҙың туғыҙы – 60 йәштән олораҡ, 13-ө — 30-ҙан йәшерәк. Дума мандаттарына дәғүә итеүселәр араһында көслө зат вәкилдәре өҫтөнлөк итә, 92 кандидаттан 12-һе – ҡатын-ҡыҙ.

темалар: һайлауҙар