6 декабрь, Шишәмбе

21 ноябрь 2011 йыл, 17:40

Өфөлә бизнестың социаль яуаплылығы баһаланасаҡ

автор: Ғәлиә Нәбиева

22 ноябрҙә Өфөлә II «Бизнестың социаль яуаплылығы: теория, методология, практика» бөтә Рәсәй фәнни-ғәмәли конференцияһы асыласаҡ.

Форум Бөтә Рәсәй финанс-иҡтисад институты майҙансығында үтәсәк. Йәмғиәт, бизнес һәм дәүләттең үҙ-ара килешеп эш итеүе, социаль баҙар иҡтисады теорияһының яңы аспекттары конференцияла тикшереләсәк төп темалар буласаҡ.

Сарала Башҡортостандың Сауҙа-сәнәғәт палатаһы президенты Юрий Пустовгаров, Бөтә Рәсәй финанс-иҡтисад институты директоры Урал Ғибәҙәтов, Рәсәй Федераль йыйылышы Федерация Советының социаль сәйәсәт һәм һаулыҡ һаҡлау буйынса комитеты ағзаһы Анатолий Бондарук ҡатнашасаҡ. Форум ике көн дауам итәсәк.