9 декабрь, Йома

21 ноябрь 2011 йыл, 15:57

Өфөлә «Сервис инновациялары һәм перспективалары» тикшереләсәк

автор: Ғәлиә Нәбиева

7 декабрҙә Өфөлә VIII «Сервис инновациялары һәм перспективалары» халыҡ-ара фәнни-техник конференцияһы асыласаҡ. Форум Башҡортостанда Халыҡты көнкүреш хеҙмәтләндереү үҙәге ойошторолоуына 50 йыл тулыуға һәм Өфө дәүләт иҡтисад һәм сервис академияһы юбилейына арнала. Сараның ойоштороусыһы булып БР Сауҙа һәм ҡулланыусылар хоҡуҡтарын яҡлау буйынса дәүләт комитеты ярҙамында Өфө дәүләт иҡтисад һәм сервис академияһы сығыш яһай.

Конференцияла республика муниципалитеттарының, тармаҡ йәмәғәт ойошмаларының, халыҡты көнкүреш хеҙмәтләндереү өлкәһе ветерандары советының вәкилдәре, эшҡыуарҙар һәм студенттар ҡатнашасаҡ.

Тематик секциялар үткәреү планлаштырыла. Уларҙың береһе халыҡты көнкүреш хеҙмәтләндереү проблемаларына, был өлкәләге эшҡыуарлыҡ торошон анализлауға һәм уны үҫтереүгә, инновацион системаларҙы үҫтереүгә һәм башҡа көнүҙәк мәсьәләләргә арналасаҡ. Конференция сиктәрендә йәштәр өсөн ғилми мәктәп эшләйәсәк.