11 декабрь, Йәкшәмбе

21 ноябрь 2011 йыл, 14:56

Бәләкәй һәм урта эшҡыуарлыҡ субъекттары өсөн административ ҡаршылыҡтарҙы бөтөрөү буйынса саралар тураһындағы указға ҡул ҡуйылды

автор: "Башинформ"

Башҡортостан Президенты Рөстәм Хәмитов «Башҡортостан Республикаһы территорияһында бәләкәй һәм урта эшҡыуарлыҡ субъекттары өсөн административ кәртәләрҙе бөтөрөү буйынса саралар тураһында»ғы Указға ҡул ҡуйҙы.

Документ республика биләмәһендә уңайлы эшҡыуарлыҡ мөхите булдырыуҙы күҙ уңында тотоп әҙерләнгән һәм Башҡортостан Республикаһының дәүләт сәйәсәтен әҙерләү һәм уны тормошҡа ашырыуҙа бәләкәй һәм урта эшҡыуарлыҡ субъекттары мәнфәғәттәрен иҫәпкә ала.

Указға ярашлы, атап әйткәндә, эшҡыуарҙарҙың йәмәғәт ойошмаларының һәм киң мәғлүмәт сараларының мөмкинлектәрен файҙаланыу, шулай уҡ бәләкәй һәм урта эшҡыуарлыҡ субъекттарына бәйле дәүләт функцияларын үтәү һәм уларға дәүләт хеҙмәттәре күрһәтеүҙең административ регламенттарын камиллаштырыу буйынса саралар ҡабул итеү күҙ уңында тотола.